نشاد پارٹی کے سنیل ریاستی جنرل سکریٹری بنے

کاشی پور۔ نشاد پارٹی کے ریاستی صدر گریش چیتنیا یادو نے سنیل چھابڑا کو پارٹی کا ریاستی جنرل سکریٹری مقرر کیا ہے۔ کھڑک پور میں نشاد پارٹی کے پروگرام میں گریش چیتنیا نے کہا کہ ہم نے بی جے پی حکومت کو حمایت دی ہے، اب حکومت کو بھی ہمارے سماج کو آگے لے جانے کا کام کرنا چاہئے۔ چیف منسٹر دھامی سے ریزرویشن کا مطالبہ کیا اور ماہی گیر ہاؤسنگ اسکیم کو دوبارہ شروع کیا جائے۔ انہوں نے کہا کہ ریاست کے تالابوں پر دوسروں کا حق دیا گیا ہے۔ جبکہ نشاد برادری کا حق تالابوں پر رہا ہے۔ انہوں نے بتایا کہ انہیں محکمہ ماہی پروری کی کمیٹی میں بھی جگہ نہیں دی گئی جو کہ سراسر ناانصافی ہے۔ ریاستی نائب صدر جیویندر سنگھ تریہا، ریاستی سکریٹری نارائن سنگھ کشیپ، سی پی سنگھ، منوج کمار نشاد اور دیگر موجود تھے۔